(ВИДЕО) Николов : Ќе иницирам основање фонд преку кој ќе обезбедиме маска за секој штипјанец додека трае ковид 19

Почитувани граѓани, почитувани медиуми

Изминатиот период секојдневно се соочуваме со последиците предизвикани од вирусот Covid – 19.

Како доктор и лично сведочам на натчовечките напори кои ги прават моите колеги во борбата против невидливиот непријател.

На здравствените работници повеќе од било ким е потребана поддршката од граѓаните.

Иклучително е важно, а и потребно секој еден од нас доследно да ги почитува мерките за заштита, ние како Општина којашто се  грижи, имаме обврска да создадеме услови за тоа.

Како иден градоначалник на општина Штип се обврзувам да направам се да го заштитам јавното здравје и сите капацитети на општината да бидат ставени во функција на борбата против коронавирусот.

Ќе иницирам основање фонд преку кој ќе обезбедиме бесплатни заштитни маски за сите штипјани, за полесно справување додека трае кризата со КОВИД-19 и ќе апелирам до сите компании, граѓани и донатори да учествуваат со свој придонес во оваа наша заедничка цел.

Во рамки на Кризниот штаб и натаму ќе продолжиме со редовна и навремена дезинфекција на сите јавни установи кои се под надлежност на општината.

Почитувани граѓани,

Во време на криза потребна е солидарност и целосна грижа за ранливата катeгорија на граѓани.

Во таа насока, ќе ја зацврстиме соработката со приватниот сектор за донации кои ќе бидат доделени до овие граѓани, како и соработка со Црвен Крст и сите волонтери  за достава на лекови и намирници во домовите до сите штипјани кои од различни причини се спречени сами да ги обезбедат.

Само заедно, солидарно, со меѓусебна поддршка ќе успееме да ја пребродиме оваа криза.

Ние имаме должност покрај заштитата на јавното здравје, да направиме се за безбедно и непречено функционирање на сите институции кои работат во интерес на граѓаните.

Токму затоа организираме безбеден изборен процес, безбедна изборна кампања со строго почитување на сите протоколи за заштита.

13 декември, денот кога Штип го бира својот градоначалник ќе биде целосно здравствено безбеден ден зошто секој еден учесник во процесот и гласачите ќе ги почитуваме здравствените мерки, како што тоа го правиме секој ден.

Искористете го вашето демократско право да гласате. На 13 декември излезете и гласајте за број 2, за Штип да продолжи во сигурни раце.