Носителот на кандидатската листа за пратеници од СДСМ во Изборната единица 3 Љупчо Николовски денеска го посети скопското село Кадино.
Претставувајќи го делот од партиската предизборна програма за образованието, порача дека институциите мора да работат единствено, во функција на ѓраганите. СДСМ, рече, ќе застане зад автономијата на универзитетите, а во фокусот ќе биде и развојот на средните стручни училишта.
На целокупниот образовен процес во Македонија, порача Николовски, му е потребна сеопфатна и крупна промена.
– Ќе создадеме образование што ќе нуди квалитет, а не квантитет, ќе покренеме веднаш јавна расправа и дебата за суштински и крупни реформи во образованието. Екстерното тестирање ќе го укинеме, ќе го намалиме бројот на часовите на децата и бројот на предметите. Паралелките ќе бројат 25, а не 40 ученици. Ќе ги укинеме сите казни за наставниците и во целокупното образование. Наместо казни ќе воведеме мотив и награди за најуспешните и најдобрите наставници, истакна Николовски.
.gif)
.gif)
