Министерот за здравство Венко Филипче на вечерашната прес конференција соопшти дека денеска има седум нови позивитни пациенти на корона вирусот. Двајца од пациентите биле тестирани во приватната болница Жан Митрев и утре ќе бидат повторно тестирани на Клиниката за инфективни болести.
-Имаме пет нови позитивни пациенти и двајца дијагностицирани во друга установа кои утре треба да бидат потврдени. Со ова бројката на пациенти кои се на Клиниката за инфективни болести е 15. Имаме информација од Жан Митрев дека кај нив се јавиле две лица, земени се материјалите и се позитивни. Тие утре ќе ги тестираме во нашата лабораторија, рече Филипче.
Тројца од новозаболените се од Скопје, а четворица од Дебар.