Прес конференција, ОО СДСМ Штип
Д-р Владимир Милошев, претседател на ОО СДСМ Штип
Штип, 16.08.2016 год
Почитувани,
Хаосот во здравството што го создаде ВМРО-ДПМНЕ е на штета на граѓаните но и на вработените во здравствените институции.
Покрај хроничниот недостаток на медицински персонал, без никакво образложение или најава, во текот на вчерашниот ден раскинат им е договорот на 25 волонтери, кои подолго време беа ангажирани во штипската болница.
За причините за овој чекор, до овој момент, никој од надлежните не им даде одговор на избрканите волонтери.
Се потврдува дека помпезните најави за нови вработувања, преку лажна пропаганда на ВМРО-ДПМНЕ немаат никаква врска со реалноста.
Недозволиво е ВМРО-ДПМНЕ да си поигрува со човечките судбини.
Не може да нема пари за исплата на волонтерите, а да има пари за зголемување на паушалите за членување во Управниот одбор на Болницата.
Членовите на УО на штипската болница самите си го зголемија паушалот за дури 100%.
Во интерес на пациентите кои се лекуваат во штипската клиничка болница, бараме веднаш волонтерите да бидат вратени на своите работни места, а паушалите да бидат намалени.
По демократските промени во декември, новата, одговорна Влада предводена од СДСМ ќе спроведе политика на професионализација на здравствените институции.
Итно ќе бидат пополнети испразнетите работни места, со што трајно ќе се реши овој проблем.
.gif)
.gif)
