(ВИДЕО) КИРАЦОВСКИ: Нема да го чекаме ВМРО-ДПМНЕ за ДИК, тие сакаат да го кочат влезот на земјата во ЕУ и НАТО, нема тоа да им го дозволиме!

Прес конференција,
Александар Кирацовски, генерален секретар на СДСМ,
17.07.2018, Скопје

Почитувани граѓани,

ВМРО-ДПМНЕ свесно и намерно го блокира изборот на Државната изборна комисија, со што го доведува во прашање одржувањето на референдум за македонската иднина.
СДСМ и владејачкото мнозинство имаат обврска пред граѓаните да ја обезбедат иднината на Македонија.
Нема да дозволиме никој да ја загрозува, да ја кочи македонската иднината, да го кочи членството на Македонија во ЕУ и НАТО.

Имаме обврска да обезбедиме граѓаните да го кажат последниот збор.
Во таа насока, пратениците на СДСМ и коалицијата ќе го поддржат законоското решение Државната изборна комисија да се избира со апсолутно монзиство.

Бројните анализи и мислења на Венецијанската комисија посочуваат на потребата, избор или именување на членови на некое тело или носители на функции со квалификувано мнозинство, не смее да се претвори во контрапродуктивен инструмент за блокирање на процесите.

Земајќи ја предвид важноста на моментот за иднината на државата и граѓаните и деструктивното однесување на ВМРО-ДПМНЕ, потребата од вакви измени е нужна.
Секако, оставаме простор опозицијата на лидерска средба да покаже конструктвност и да се откаже од бојкотот.

Една деценија ВМРО-ДПМНЕ зборува за референдум и сега кога треба да се одржи се обидува референдум да нема. ВМРО ДПМНЕ се плаши од гласот на граѓаните, се плаши од нивната јасно изразена волја.
ВМРО-ДПМНЕ и Христијан Мицкоски треба да покажат дали им се важни потребите на граѓаните, дали им се важни државните интереси, дали се за членството во НАТО и ЕУ.

Македонија нема да биде заложник на криминалот на ВМРО-ДПМНЕ.

Македонија забрзано чекори напред кон полноправно членство во НАТО и ЕУ.

Граѓаните ќе го имаат последниот збор, на референдум, да одберат каква иднина сакаат.
ДА за македонската иднина.