(ВИДЕО) Заев: Груевски бега од суд за пред избори да не се дознае вистината за прислушувањето!

Одговори на новинарски прашања на претседателот на СДСМ, Зоран Заев по одложувањето на рочиштето за „Пуч“.

Медиуми: Дали тоа што Груевски не сака да почне процесот пред избори е вистинската причина за одложување?

Заев: Секако, заради тоа што обврска и на Пржинскиот договор, обврска и на сите политички субјекти во државата, но пред `се, и над `се, без разлика на нашата волја, политичка или не, обврска на македонското правосудство е да одговори, кој прислушувал, како прислушувал, колку време тоа го правел, како тоа го правел во целиот овој период – тоа им го должи македонското правосудство на граѓаните на Република Македонија. Смислата на преговарањето беше да се отвори овој важен моментум, којшто беше суштина на оваа катарза и на оваа запрепастеност којашто и македонската и целата светска јавност имаше можност да ја види во последните 2 години.

Медиуми: …?

Заев: Сакам отворено да ја прашам, дали е свесна дека наместо правен процес, води политички процес и дали е свесна за моментумот во којшто го става, апла, јавно, во понизност, комплетна, македонското правосудство. Сакав само тоа да прашам, за жал не ми беше даден збор.

Медиуми: Г-дине, Заев ако завршија колегите, јас имам прашање, нешто надвор од судскиот процес. Се ближи периодот кога треба да ги објавите кандидатските листи за пратеници, дали има првични информации и како ги коментирате изјавите на Ахмети дека нема потреба да ловите албански гласови?

Заев: Господинот Ахмети и кој било од власта нека си тераат своја агенда, ние нашите листи ќе ги истакнеме на 6 ноември, тоа е недела. Во тек се целодневни разговори со коалициските партнери, но најмногу, пред `се посветуваме време на граѓаните кои ќе бидат во заедничките листи што ќе ги објавиме. Немам намера да коментирам некои дополнителни детали што изјавил господинот Ахмети.

Медиуми: Имавте можност денеска да се сретнете со вашиот политички опонент Груевски овде во судницата на еден неутрален терен и целата јавност да ја чуе вистината. Дали мислите дека одлагањето на денешното рочиште е во функција да го оправда поранешниот премиер за неговото недоаѓање?

Заев: Кога зборувам дека наместо правен процес, овде се води политички процес, токму тоа и се прави. Се остварува некоја политичка агенда, добро осмислена и добро замислена, којашто секако е политичка агенда на Никола Груевски и на врвот на ВМРО-ДПМНЕ.

Медиуми: Дали ќе барате од вашиот адвокатски тим да поднесе некаква претставка до судот?

Заев: До кого да поднесе претставка? Кој ќе одлучува по претставката? Ние продолжуваме вака, со трпение, со многу посветеност но и љубов кон Македонија. Да ја извадиме на површина целата оваа катарза и целиот овој срам којшто за жал граѓаните мора да го видат, за конечно тоа да биде гаранција дека на Македонија итно ќе и треба нормална држава, каде што ќе воспоставиме правосуден систем којшто нема да има никакви допирни точки со кој било во државата, без разлика дали е тоа финансиски или политички моќник.