ВЕНКО ФИЛИПЧЕ : 28-ГОДИШНА ДЕВОЈКА ПРИМЕНА В БОЛНИЦА СО ТРОМБОТИЧНА РЕАКЦИЈА ПОСЛЕ ПРИМЕНА ВАКЦИНА НА „АСТРАЗЕНЕКА“ ВО СРБИЈА

Дваесет и осум годишна девојка се лекува во болница поради тромботична реакција после примена вакцина против ковид-19 во Србија, кажа денеска министерот за здравство Венко Филипче. Девојката ја примила вакцината на „АстраЗенека“ и реакцијата се јавила после 6-7 дена од вакцинирањето.

Денеска во земјава почнува масовната вакцинација со оваа вакацина, за лица над 77 години во 12 градови во земјава.

„Следејќи ги примерите на  Канада и Германија, и ние ќе бидеме претпазливи со оваа вакцина, и одлучивме да не ја даваме на лица под 60 години. Ќе чекаме дефинтивна потврда од Европската агенција за лекови (ЕМА) ќе одиме полека. Денеска ќе имаме состаноци со Комисијата за безбедност во Агенцијата за лекови. Иако се ретки овие тромботични реакции, мораме да бидеме многу претпазливи“, кажа Филипче.

Филипче кажа дека над 20.000 дози се веќе поделени по здравствените домови, а за вакцинација се пријавени нешто под 20.000 граѓани, и дека процесот почнал без проблеми. Тој кажа дека во првите неколку часа од почетокот на вакцинацијата денеска, околу 20% од пријавените на одредени пунктови не се јавиле на терминот, а дека нема ниту еден случај со несакана реакција досега од вакцинираните.