Во организација на Опозицискиот совет се одржа средбата помеѓу Билал Касами од Движењето Беса и Фадил Зендели од НДП. Според нив, средбата е со цел да се урне оваа власт, која ја оценија како криминална. Тие велат дека ова е само чекор напред кон формирање на широк албански опозициски блок, пренесува ТВ21.
Арианит Хоџа истакна дека Опозицискиот совет е задолжен да формира една вистинска опозиција. Според него следува серија средби со другите албански опозициски партии.
Претседателот на Движењето Беса, Билал Касами нагласи дека за промена на власта, потребна е широка соработка на албанскиот опозициски блок.
И двете партии се двоумеа, кога ТВ 21 ги праша за можноста за соработка со македонските опозициски партии, велејќи дека засега имаат план да соработуваат само со албанските опозициски партии.