Али Ахмети се закани: Аудиоснимки од функционерите на ДУИ да се тргнат од Интернет, ако не правдата ќе ја земеме во свои раце и тогаш само Господ знае како ова може да заврши!

Институциите да реагираат и веднаш да се повлечат сите приватни разговори од незаконски прислушуваните материјали објавени на каналот „Јутјуб“ и од социјалните мрежи.

Ова го побара лидерот на ДУИ Али Ахмети кој меѓу останатото побара да се казнат и лицата кои стојат зад емитување на тие снимки во јавноста, пренесе Дневник.

Во спротивно, доколку институциите останат глуви на овие барања, ДУИ најави кривични пријави и земање на правдата во свои раце.

„Да не се доведеме во ситуација на самоволие и правдата да ја земеме во свои раце бидејќи тогаш само Господ знае како ова може да заврши, предупредија од партијата на Али Ахмети“.

Имено, во јавноста беа пуштени разговори меѓу у вицепремиерот Муса Џафери и пратеничката Ермира Мехмети.

Мета на незаконските прислушувани снимки се најде и самиот Ахмети и екс министерот за правда, Блерим Беџети, во врска со екстрадицијата на поранешен припадник на УЧK од Kосово.