Дали сопругот на државниот секретар во МВР, Анастасија Илиеска го вози нејзиното службено возило за приватни потреби?
Денеска, во недела, неработен ден, е снимен како тој сам го управува службеното возило кое е доделено на неговата сопруга вработена во МВР како државен секретар. Со ова возило, за кое е утврдено дека припаѓа на МВР, дојде во Прилеп и се паркира пред бутик за спортска опрема, за кој жителите на Прилеп посчуваат дека е во негова сопственост.
Министерот за внатрешни работи Оливер Спасовски во декемри минатата година презеде мерки откако утврди дека постојат сериозни индиции за злоупотреба на одредбите кои ги регулираат начинот на обезбедување и користење на службени возила на МВР, како и дека наредил укинување на неовластените привилегии. Тогаш мерките беа насочени кон немањето основ за доделување службени возила, кои сигурно во најголем број случаи се уште се злоупотребуваат како приватни и семејни возила.
На државниот секрететар во МВР не му следува обезбедување, но му следува службено возило, кое сепак е за потребите поврзани со работата, а не за приватни потреби. Во Македонија оваа навика како да стана нормална, иако во многу држави постојат бесплатни телефонски линии на кои граѓаните можат да ги пријават злоупотребите на службените возила, нешто кое се санкционира.
Извор : А1он
.gif)
.gif)
