ФОТО: Протест пред Влада – „Ноќ на лицето на режимот“

Вечерва граѓанската иницијатива Ајде! организираше протестен перформанс за одбележување на „Ноќта на вештерките“ во македонски контекст пред Владата.

„Нашиот настан го нарековме „Ноќ на ЛИЦЕТО на режимот“ затоа што е време да го покажеме режимот во неговата вистинска форма, а со тоа да им дадеме можност на нашите сограѓани да му ја симнат маската за сите наводни успеси, вработувања, победи и прослави. Сето тоа ќе успееме да го направиме ако ги носиме нивните вистински лица прилагодени за еден ваков празник.

Ние ги одбравме нашите маски. Од Мајкл Протуѓер Маерс до Крвавиот Нино или Сашо Лектор… Или пак симболите на режимот како што се сиромаштијата, обесправените, затворените… Замислете да го носите лицето на уморните стечајци или гладните кои ката ден ги гледаме по улиците… Тоа е лицето на режимот.
Не заборавајте дека „Ноќта на вештерките“ во својата основа како празник воопшто не ги вклучува вештерките. Тоа е ноќ кога живите со страшни маски ги бркаат злите духови, а слават добрите луѓе чија смрт настанала заради нанесеното зло“, велат организаторите.