Лидерот на СДСМ и градоначалник на општина Струмица, Зоран Заев, по единаесетти пат и оваа новогодишна ноќ ја поминува со штитениците во Заводот за заштита и рахабилитација во Банско.
„Во прекрасен новогодишен амбиент, скромно и весело поминуваат првите часови од Новата 2016 година потврдувајќи го искреното пријателство кое трае повеќе од една деценија. Заев од срце на своите пријатели – штитениците им ја честита Новата година и им посака многу здравје и среќа. Тие му возвратија на честитките посакувајќи му исто така многу здравје и среќа и посакаа уште многу нови години да поминуваат заедно“, стои во соопштението на општина Струмица.