Потпретседателот на СДСМ и заменик министер во министерството за информатичко општество и администрација, Александар Кирацовски, беше во редовна, работна посета со членството во Општинските Организации на СДСМ во Кичево, Македонски Брод, Кривогаштани и Долнени.
Тој на истите ја претстави актуелната политичка ситуација во нашата држава и испрати апел до целото членство за целосна и масовна вклученост во, како што истакна, последната фаза од победничката стратегијата која треба да донесе промена на актуелната власт и нормализација на државата.
Кирацовски ги истакна општествените придобивки кои Република Македонија ги доби преку преговорите, особено во делот на изборниот законик, прочистувањето на избирачкиот список, медиумите, ДИК, како и општествената полза од учеството на опозициските кадри во петте министерства.
„Изборните малверзации ќе бидат сведени на „нула““ – рече Кирацовски, а дополнително истакна:
„Почитувани, ако нешто е сигурно во овој несигурен свет, тоа е фактот дека Никола Груевски конечно заминува од власт! Заминува без оглед што зборува и на кој начин делува, без оглед колку пари украл и за што се е подготвен да ги даде – со него е завршено! Но, за потврдата на тој факт да биде поголема од манипулациите, на 24 април 2016, СДСМ мора, може и ќе победи со голема разлика!“
„Премиерот е заглавен до гуша во криминал и корупција, а упорно се вади со изјавата „народот ќе пресуди. Не Груевски, прво ќе ти пресудат судиите, а потоа штом излезеш на слобода, кандидирај се колку пати сакаш!“- изјави заменик министерот за информатичко општество и потпретседател на СДСМ Александар Кирацовски пред присутните граѓани на Кичево, Македонски Брод, Кривогаштани и Долнени.