Тортевски: Иванов може прв да го помилува убиецот на старецот од Мариово

Авокатот Александар Тортевски, во обид да ја прикаже апсурдноста на одлуката на Уставниот су,д денеска побара аболиција за сите изборни силеџии, но и за убиецот на старецот од Мариово, кој застана во одбрана на Катица Јанева, пренесува Фокус.

– Имајќи ја предвид одлуката на Уставниот суд со која на претседателот ќе му се дава право да дава помилување и амнестија, предлагам како прв да биде помилуван убиецот од Мариово кој го уби соседот само затоа што ја бранел работата на Специјалното јавно обвинителство.

За изборите, заради ефикасно и економично работење, предлагам владејачката партија да ангажира по 20 силеџии кои на секое гласачко место ќе тепаат и ќе ги кршат избирачките кутии, а претседателот со жолто комбе да ги обиколува гласачките места и со готови бланко решенија да издава аболиции за силеџиите, а се со цел тепачите да не бидат изложени на непријатност некој да им даде покана па да се влечкаат по судовите, што, ќе признаете, не е пријатно за припадници на владеачката партија – вели Тортевски.