Поранешниот шеф на тајната полиција Сашо Мијалков продолжува со злоупотребата на власта и полицијата за политичка пресметка со неистомислениците.
Јавна тајна е дека Сашо Мијалков и врвот на ВМРО-ДПМНЕ од поодамна имаат направено список за тепање и елиминирање на политички неистомисленици плус лично формирал специјална криминална банда заштитена од него дознава Centarnews.net. Криминалците доколку им завршат на суд најчесто судот утврдува дека немал основа за криминал.
На списокот за тепање и елиминација на Сашо Мијалков и врхушката на ВМРО-ДПМНЕ се наоѓаат функционери и активисти на СДСМ, граѓански активисти, критички новинари и активисти на невладини здруженија.
Според сознанијата на списокот се директорот на ЈП„Паркинзи на општина Центар“ и претседател на СДСМ Центар Саша Богдановиќ, новинарот и колумнист Бранко Тричкоски, новинарот Марјан Стаменковски, новинарот Саше Политико, двајца браќа од населбата Ѓорче Петров, неколку активисти од СДСМ Карпош и Центар, дознава Centarnews.net.
Истите треба да се напаѓаат и заплашуваат од скопјаните Александар Василевски викан ¬Нинџа и неговата десна рака Никола Митревски-¬Кољо, кои имаат затворски казни од по три години за киднапирање на кумановецот Миодраг Митевски во 2006-та година, а беа обвинети и за обид за убиство на клучниот сведок во случајот за предметот „Детонатор“, Драганчо Стоименов.
Александар Василевски-¬Нинџа од маалски рекетар стана предводник на бандата командувана од екс директорот на УБК, Сашо Мијалков, а под негова контрола се познати криминалци од Автокоманда, каде живее Нинџа и Кољо.
Во прилог на таквото тврдење, во истата банда се наоѓа и Михаил Младеновски заедно со неговиот брат Стефан Младеновски-Кобра, кои често напаѓаат млади луѓе низ Центар, доказ е случајот со нападнатото момче во сендвичарата „7-ца“ за што има видеоматеријал.
Свесни дека се едни од клучните активисти на опозицијата и закана за власта досега беа нападите врз Саше Политико кој беше претепан пред својот дом, потоа нападот врз директорот на ЈП„Паркинзи“ Центар и претседател на општинската организација на СДСМ Центар, Саша Богдановиќ на кого му беа нанесени тешки и видливи повреди, нападот на Марјан Стаменковски сопственик на порталот Доказ, палењето на возилата на Сашо Ордановски и Бранко Тричковски и други.
Дознаваме дека еден од напаѓачите врз директорот Саша Богдановиќ, кој беше уапсен на лице место за време на нападот, по претходни дебели ургенции од врвот на ВМРО-ДПМНЕ, по неколку одложувања на рочиштата, Судот најверојатно ќе го пушти на условно, буквално како да не сторил никакво кривично дело.
Од друга страна, гореспоменатите браќа Младеновски, се водат како фиктивни вработени во администрацијата на националната арена Филип II кое е под акционерското друштво за стопанисување со станбен и деловен простор, (АДСДП или некогашно ПУИК), со плата од 32,500 денари без обврска да доаѓаат на работа.
Во досега незапаметена пракса на брутална пресметка со политички неистомисленици секојдневно има обиди за физичка елиминација на истите