ЈАНКУЛОСКА ЗА ПРЕТРЕС – НЕМАМ ВРЕМЕ ДА ГИ ЧИТАМ ЛЕКТИРИТЕ НА ГРУЕВСКИ, НЕ МЕ ИНТЕРЕСИРААТ

0
154

Поранешната министерка Гордана Јанкулоска во поткастот на Христијан Ландов за претрес искрено одговараше за нејзиниот долгогодишен шеф Никола Груевски  прво во министерството а потоа и во владата во која тој беше 11 години премиер а таа како негова десна рака прва полицајка функција на која остана 10 тина години се до вооружениот инцидент во Диво насеље кога таа како министер а Сашо Мијалков како прв човек на УБК поднесоа. Сега од временска дистанца Јанкуловска после се што преживеа не го крие разочарувањето од Груевски кој побегна од државата и ги остави неа и најблиските негови соработници на цедило.  

На прашањето дали му замерува за бегството таа вели дека таквиот чекор можеби е немање на храброст, а доколку ја побара повторно да биде дел од неговиот кабинет таа не би прифатила. Јанкулоска додаде и дека не ги чита неговите објави на социјалните мрежи оти не ја интересираат. „Не, не ги читам, немам јас толку време да читам лектири, тоа што ме интересира читам, а за што пишува и како пишува, навистина не ме интересира, посебно не гледам поента нити во тоа да ги читам, нити пак гледам поента да се пишуваат такви написи од дистанца. Тој што сака нешто да смени, што сака нешто да направи, треба да е тука и тука да ги артикулира своите ставови. Сега тоа е како да пишам во Кина што треба да се прави.

Неговите постапки зборуваат за него и за неговиот карактер. Ќе си дозволам да дадам коментар, мислам дека неговиот кредибилитет ќе беше без оглед на суровоста со која тој се соочи како нас со неправедниот политички прогон, ќе беше многу поголем тој кредибилитет ако останеше овде да се бори“, вели Јанкулоска. Таа вели дека доколку била на негово место со првиот авион од Будимпешта би слетала во Македонија и би се борела.

„Јас да сум на негово место не би чекала да има екстрадиција, јас би дошла сама. Нема да дозволам да бидам ставена во една постапка на екстрадиција. Сама ќе го фатам првиот авион и ќе дојдам и ќе се борам во една атмосфера која очекувам да биде многу поправедна и многу подемократска по промената на власта“, додава Јанкулоска во поткастот на претрес.

Извор : Скопје1.МК