Шекеринска го повтори ставот на СДСМ за преодна Влада пред државениот секретар за европски прашања на Португалија

0
504

sek por

Сериозната политичка криза во Република Македонија, можните излезни решенија и последиците од недемократските состојби во земјава врз евроинтеграциите, беа темите на денешниот состанок на заменик претседателката на СДСМ, Радмила Шекеринска, со Бруно Мачес, државен секретар за европски прашања во Португалија.

Заменик претседателката Шекеринска рече дека доказите што ги презентира СДСМ на јавноста само ги потврдуваат критичните точки нотирани и во Извештајот на ОБСЕ за изборите за лажни лични карти, гласачи кои гласаат на повеќе избирачки места, закани, уцени и притисоци, посебно врз администрацијата, врз примателите на социјална помош, посебно за време на изборни процеси.

-Овие материјали ја потврдуваат и тоталната контрола на власта врз судството и приватизацијата на институциите од што страдаат сите граѓани, без разлика на каква било припадност. Тука веќе не станува збор за партиска поделеност туку за неколку луѓе на една страна, кои за лични цели го узурпирале системот, наспроти сите други, рече заменик претседателката Шекеринска.

Таа го повтори ставот на СДСМ за преодна Влада што ќе овозможи услови за демократски изборен процес како излезно решение.

Дипломатот од Португалија ја пренесе загриженоста на Европската Унија за развојот на политичката ситуација во Македонија.