Чешкиот претседател Петр Павел на отворањето на самитот за одбрана во Прага рече дека новоизбраниот американски претседател Доналд Трамп би можел да преговара со Владимир Путин за конечно ставање на крај на руската агресија врз Украина, но оти таков договор најверојатно нема да биде во најдобар интерес на Украина и на Европската унија.
Дополнително, вели тој, позициите на Украина за преговори се ослабени оти западната поддршка доцнела, што пак и овозможило на руската армија да напредуваат подлабоко во украинска територија.
„Таков договор најверојатно нема да биде во наш (европски) интерес, ниту во интерес на Украина. Затоа што на Русија едноставно и дава дел од окупираните територии, со порака до Украина дека нема да стане членка на НАТО најмалку 20 години“, рече Павел.
