Изјава за медиуми, Симона Цветаноски, членка на ИО на СДСМ
Секој ден извираат нови корупциски скандали во Министерството за здравство, предводено од Арбен Таравари.
Додека здравството тоне, нема лекови, луѓе умираат и се’ се распаѓа, Таравари се занимава со шиткање на бизнисот со паркингот на Клиничкиот центар.
И тоа замислете, на контраверзна фирма „Ѓока Контракшн“ од Албанија која се поврзува и со сериозни скандали во соседната земја.
Според јавно објавените информации, оваа фирма била единстен понудувач на огласот за јавно приватно партнерство кој го распишало Министерството за здравство.
Тоа во старт е крајно сомнително. Дали дилот веќе бил направен пред да биде објавен огласот?
Каков е договорот што го склучил Таравари преку јавно-приватно партнерство?
Дали паркингот се доделува на оваа фирма на 20 години за само 1% да добива државата од вкупните приходи?
Значи 99% од профитот за компанијата а само 1% од профитот за државата. Погубно.
Зошто државата е оштетена со приход од само 1% од профитот?
И зошто се доделува профитабилен паркинг на странска и воедно приватна компанија а не на некоја државна која веќе управува со паркинзи?
Договорен само 1% профит за државата е крајно сомнително и отвора сомнежи за корупција.
СДСМ бара министерот Таравари да одговори колкав е неговиот личен интерес во ова, изразен во проценти?
Постои ли провизија од оваа сомнителна зделка?
Ги повикуваме надлежните институции и Државната комисија за спречување на корупцијата, да го истражат овој случај до крај.
Бараме власта веднаш јавно да го објави Договорот и сите документи за целата постапка. Народотима право да ја види целата вистината.
Граѓаните заслужуваат здравствен систем кој е достапен и функционален, а не систем со корупциски афери на ДПМНЕ и ВЛЕН.
