Градоначалникот на општина Чаир, Висар Ганиу заедно со граѓаните пристигна пред Град Скопје.
Тие тука го исфрлија отпадот кој претходно го собраа во старата Чаршија.
Ганиу рече дека отпадот не се собира од страна на Град Скопје, иако жителите на Чаир се даночни обврзници. Меѓу другото, тој потенцираше дека Чаир заслужува да биде чиста општина.
„Ова е екоцид што му се прави на нашиот народ. Ние сме затрупани во отпад. Но, нема така да останеме. Народот ќе реагира и ќе добие одговор, бидејќи ние сме даночни обврзници“, изјави градоначалникот на Општина Чаир, Висар Ганиу.
На терен пристигна и полиција.
Извор : ТВ21
