На Фејсбук и на Твитер вечерва се споделуваат информации дека специјалците вечерва влегле и во читалната “Браќа Миладиновци”, додека бркале некој од демонстрантите!
За ова извести и Студентскиот пленум.
„Според досегашните информации, влегле 50 желки и почнале да ги бркаат и туркаат студентите без никаква причина, притоа заканувајќи им се дека ќе добијат кривични пријави под никаква основа“, велат од пленумот.
– На паркингот кај Зегин гореа контејнери, полицијата ја растеруваше толпата, дел од тие кои читаа во читалната излегоа да гледаат, полицијата тргна кон нас, влегоа во читална почнаа да влечат луѓе маси и столици… да викаат дали сме биле ние, да не тегнат да изглеземе, некои деца удираа и влечеа – вели студент кој учел внатре.
