Министерот за финансии, Зоран Ставрески е во Њујорк, дознава новинската агенција „Мета“.
Репортерот на „Мета“ го фотографираше министерот Ставрески вчера, во близина на Музејот на модерна уметност (МОМА), во Њујорк.
Од Владата и од Министерството за финансии денеска не добивме одговор дали министерот Ставрески е на годишен одмор или, пак, е во работна посета на Соединетите Американски Држави (САД).
Денеска ниту еден од портпаролите на Владата и на Министерството за финансии не одговараше на нашите телефонски повици за потврда на информацијата.
Извор: Мета
