Денес во месната заедница ,,Тапани” на улицата ,,Блаже Иваноски” во Прилеп каде што се наоѓаат старите прилепски гробишта се одржа мирен протест поради најава за изградба на капела.
Жителите од оваа заедница тврдат дека општина Прилеп и одговорните заедно со градоначалникот Марјан Ристески останале глуви на нивните барања за стопирање на изградбата на капелата бидејќи како што тврдат насобраните жители самата капела се гради во непосредна близина на куќите каде што играат и деца.
– Пред една година добивме решенија за рушење на гаражите како објекти од времен карактер каде што месното население на месната заедница ,,Тапани” реагираше да не се рушат гаражите. Од градоначалникот Марјан Ристески беше ветено дека на местото од гаражите ќе се гради парк и игралиште за деца, но по извесно време дознаваме дека наместо парк и игралиште за деца ќе се гради капела. – изјави еден од жителите кои протестираа.
[youtube height=”500″ width=”600″]https://www.youtube.com/watch?v=5xQC-nKet1M&feature=youtu.be[/youtube]
– Населението на месната заедница ,,Тапани” собра петиција против изградбата на капелата но откако отидовме со собраната петиција за проблемот бевме набркани од општина Прилеп. – изјавија револтираните жители.
[youtube height=”500″ width=”600″]https://www.youtube.com/watch?v=jKVT2fjdqig&feature=youtu.be[/youtube]
На прашањето од новинарите за тоа дали добиваат закани за петицијата против изградбата на капела во населено место еден од револтираните жители на оваа месна заедница вели дека немало закани но општината си игра со нив топло ладно.
[youtube height=”500″ width=”600″]https://www.youtube.com/watch?v=xz7SM4FiPmA&feature=youtu.be[/youtube]
– Не сакаме децата да доживуваат траума додека си играат да гледаат починати, порача еден од револтираните жители.
[youtube height=”500″ width=”600″]https://www.youtube.com/watch?v=M4h0ggE-7a4&feature=youtu.be[/youtube]
А еве ја точната локација каде што е планирана изградбата на капелата во населбата ,,Тапани” кај старите гробишта
