ФАТМИР БИТИЌИ ОД СДСМ ЗА ВРЕМЕ КАМПАЊАТА ДОБИВАЛ СМРТНИ ЗАКАНИ

0
222

Пратеникот на СДСМ и вицепремиер Фатмир Битиќи, во емисијата „Клан дебата“ изјави дека добивал смртни закани за време на предизборната кампања за што е поднел пријава до Министерството за внатрешни работи.

Разговарајќи за реториката во предизборната кампања, Битиќи му се обрати на пратеникот Бојан Стојановски од ВМРО ДПМНЕ, кој бил дел од истата емисија.

„Знам што се случи заради вашата кампања. Прашајте го министерот за внатрешни работи, кој има пријава за загрозување на животот по вашата кампања? Еден вицепремиер што седи покрај вас, два дена по ред… вашата кампања ги врати паролите од деведесетите и 2000-тите години, во кои јас и моето дете бевме повикувани дека треба да бидеме убиени. Ова се случи поради вашата кампања“, кажал Битиќи.