Преговарачите на американскиот претседател Доналд Трамп вршат притисок врз ЕУ еднострано да ги намали тарифите за американските производи, предупредувајќи дека без отстапки, блокот нема да напредува во разговорите за да избегне дополнителни „реципрочни“ царини од 20 отсто, пишува „Фајненшл тајмс“. Земјотрес со јачина од 3,6 степени според Рихтеровата скала во Јужна Хрватска, почувствуван во БиХ и Црна Гора.
Американскиот трговски претставник Џејмисон Грир се подготвува денеска да го информира европскиот комесар за трговија Марош Шефчовиќ дека неодамнешниот документ што го сподели Брисел како дел од преговорите не ги исполнува американските очекувања, пишува весникот, повикувајќи се на неименувани извори.
Според весникот, ЕУ барала заеднички договорена рамка за преговори, но двете страни се нашле на спротивни страни. Ројтерс не можеше да ја потврди оваа информација. Европската комисија и Канцеларијата на трговскиот претставник на САД не одговорија на барањето на Ројтерс за коментар. САД воведоа царини од 25 отсто за европските автомобили, челик и алуминиум во март и 20 отсто за другите производи на ЕУ во април.
Тие потоа ја намалија стапката на 20 отсто до 8 јули, поставувајќи период од 90 дена за преговори за посеопфатен договор за тарифи.
Како одговор, 27-члената ЕУ ги суспендираше своите планови за воведување одмазднички тарифи за некои американски производи и предложи нула царини за сите индустриски производи од двете страни.
