Министерот за внатрешни работи, Панче Тошковски, во просториите на Министерството ги прими семејствата на жртвите од пожарот во дискотеката „Пулс“ во Кочани.
На средбата, Тошковски им соопштил на семејствата дека по трагедијата сериозно размислувал да си поднесе оставка од функцијата, поради тежината на настанот и одговорноста што ја чувствува.
Тошковски нагласил дека правда мора да се донесе за вакви случаи, ако државата сака да се нарекува нормална и праведна. Тој додал дека не може да изнесе повеќе детали, бидејќи истрагата сè уште е во тек.
