Таткото на Боки 13 осуден на казна затвор од 6 месеци затоа што претепал поп за паркинг место

0
441

Миле Јовановски, татко на Боки 13, e осуден на казна затвор од шест месеци, откако претходно призна вина. Тој беше обвинет за физички напад на свештеникот Виктор Стојчев, објави Фокус.

Според обвинението, Јовановски на 7 јануари 2017 година физички го нападнал Стојчев по расправија за паркинг место, по што му нанел физички повреди, од кои и скршеница на зглобот на ногата.

На Јовановски му се закануваше казна затвор од шест месеци до пет години, односно беше обвинет за кривичното дело „Тешка телесна повреда“ од член 131 став 1 од Кривичниот Законик.