Центарот за управување со кризи информира дека во моментов во земјата се активни 5 пожари а 20 се изгаснати. Активните пожари се во општина Чашка каде гори мешана шума, во Студеничани каде гори вегетација и нискостеблеста шума, во Сопиште каде гори ниска вегетација и во Кривогаштани каде се запалени стрништа и сува трева. Под контрола е пожарот во Охрид на Галичица каде се појавило чадење.
Изгаснати се 20 пожари и тоа во Дебар каде се запалила депонија, во Битола каде горело ѓубре и сува трева, во Демир Хисар каде горело ѓубриште, во Лозово каде имало пожар во кој изгореле млади борови.
Целосно изгаснати се и пожари во Ново Село, Желино, Боговиње, Врапчиште, Маврово, Струга, како и во скопските општини Ѓорче Петров, Бутел, Кисела Вода, Чучер Сандево и Ранковце.
Во општина Кисела Вода помеѓу пругите кај Тутунски комбинат денеска е изгаснат пожар во кој горела сува трева но и монтажни објекти на Македонски железници.
.gif)
.gif)
