СПАСОВСКИ : 4-ТИ ФЕВРУАРИ ЌЕ ПОМИНЕ ВО НАЈДОБАР РЕД, ГРАЃАНИТЕ ДА НЕ СЕ ВОЗНЕМИРЕНИ

0
518

Во одговор на прашањето зошто се затворени улиците околу црквата Свети Спас, министерот за внатрешни работи Оливер Спасовски, во гостувањето на Сител телевизија, кажа дека „не се случува ниту денеска нешто, а ниту во сабота“. Тој истакна дека треба да има безбедност и ред во државата и тоа ќе се спроведе.

-Ништо да не ја вознемирува јавноста, мирот и безбеснота е важно да се запазени и да имаме достоинствено чествување какво што доликува за нашиот великан Гоце Делчев. МВР секогаш носи одлуки врз основа на информации од разузнавачката заедница или припадници на МВР. Ниту една одлука не е базирана на тоа што се пишува на социјалните мрежи или што изјавува опозицијата, кажа Спасовски.
Министерот нагласи дека државата има инстутиции, тие функционираат и се задолжени да обезбедат достоинствено празнување и сите аспекти кои укажуваат на тоа да се сочува достоинството на македонската држава и македонскиот народ.
-Очекуваме се да помине во најдобар можен ред и во таа насока се и сите активности ки ги преземаме, рече Спасовски.