Дваесет и петгодишниот Т.Ц. од Македонска Каменица заработи кривична пријава од делчевската полиција за сторено кривично дело “затајување”.
На 31-ви јули годинава, пријавениот Т.Ц. од компанија во Швајцарија на користење изнајмил автомобил “Ferrari”, a со компанијата склучил Договор за изнајмување на возилото од 31.07. до 10.08.2015-та година и според договорот возилото требало да го управува на територијата на Австрија, Швајцарија и Германија.
Но, спротивно на тој договор, пријавениот очигледно не можел да му одолее на возилото, па решил и да не го вратил во определениот рок, а со истото дошол во Македонија и покрај тоа што немал право да го управува на територијата на земјата.
Со кривичното дело пријавениот за себе го присвоил возилото кое што му било доверено на користење, со тоа причинувајќи штета на компанијата од над 70.000 евра.
Извор : Точка
