СИТЕ ВИЕ РАШКОВЦИ ВО ВЛАДАТА И ИНСТИТУЦИИТЕ: РЕШЕТЕ СЕ ДАЛИ ЌЕ МУ СЛУЖИТЕ НА НАРОДОТ ИЛИ ЌЕ СЕ ЗБОГАТУВАТЕ, АКО СТЕ ЗА ВТОРОТО ДАЈТЕ СИ ОСТАВКИ И ВКЛУЧЕТЕ СЕ ВО БИЗНИСОТ, НЕ ПРАВЕТЕ ШТЕТА НА ЦЕЛАТА БОРБА ЗА ПРАВНА И УСПЕШНА ДРЖАВА

0
130

Зарем мене не ми е полесно да се договорам со некој од владата за некаква блесава советодавна или сервисна соработка со некоја институција за некоја баслословна сума и да делиме пола пари па ако не фатат не фатат?

Но јас не сакам да и правам штета на државата но во исто време сакам да направам и пари, и затоа го правам она потешкото – секој ден одам по фирми молам за реклами нудам медиум со толкава и толкава читаност, нудам разни форми на наплата компензации нудам ПР соработка за тие фирми им ветувам дека толку и толку луѓе ќе ја видат нивната реклама на Мактел, потоа се бориме за наплата на работеното и така секој ден по 18 часа тешка работа за секој денар.

Знам дека ова е ужасно сценарио за многумина, тој стрес, тоа време потрошено на биро наместо во кафичи во шетање, спиење, дружење со најблиските е многу тешко и остава последици врз здравјето, и многумина бегаат од тоа сценарио па се будаат во владата каде преку јавни набавки гледаат некако да се збогатат.

Во случајот со Рашковски, тој не украл пари од касата, туку го промовирал својот патент како службено лице што е конфликт на интереси и со тоа ги прекршил и етичките но и процедуралните кривични закони за што ќе си плати казна, затворска и останата.

Сите такви како Рашковски го валкаат брендот Зоран Заев му нанесуваат голема штета и нему и на СДСМ и на Шарената Револуција. Мојата порака до сите такви како Рашковски кои се во владата или во други институции – РЕШЕТЕ СЕ, ИЛИ ЌЕ МУ СЛУЖИТЕ НА НАРОДОТ И ЌЕ ГИ ПОЧИТУВАТЕ СИТЕ ЗАКОНИ ПА И ПОНИЕ НЕПИШАНИТЕ ИЛИ ПАК АКО ИДЕЈАТА ВИ Е ДА СЕ ЗБОГАТИТЕ, ДАЈТЕ СИ ОТКАЗ И ОДЕТЕ ВО ПРИВАТЕН БИЗНИС, НАПРАВЕТЕ ФИРМИ ПРОДАВАЈТЕ ТРЧАЈТЕ МАЧЕТЕ СЕ, ТАМУ НЕМА ЛИМИТ КОЛКУ МОЖЕ ДА ЗАРАБОТИТЕ, ТАМУ ДОБРОВОЛНО ВИ ГИ ДАВААТ ПАРИТЕ, НЕ РАСПОЛАГАТЕ СО НАРОДНИТЕ ПАРИ!

Големо браво за медиумите кои без упорни во откривањето на аферата со Рашковски, јас прости не можев да веруванм дека некој ќе се дрзне да ја злоупотреби довербата на премиерот и лидер на СДСМ, Зоран Заев за да си продава свои патенти на институцијата каде самиот работи и одлучува. До последен момент имав доверба во Рашковски се до денеска.

Добро е што имаме силни институции кои не фермаат кој од кај е и на кого е близок и тоа е една од работите за кои се боревме сите овие 10 години со рушењето на режимот и правењето реформи во судството но и во медиумите, очигледно е добро што имаме многу медиуми со различна уредувачка политика, да беа сите медиуми толку наивни како мене Рашковски немаше да биде фатен.

Но морате да ме разберете почитувани читатели, мене просто ми е многу далечна идејата дека некој во владата на Заев по падот на Груевски по сите маки што ги имавме пред се сиот терор што го трпевме па 27-ми април па потоа сета мака што ја трпиме за земјава полека да иде напред, просто ми е тотално несфатливо дека некој после сето тоа доаѓа во владиниот кабинет со идеја да работи исто како тие што ги сменивме, затоа ве молам да ми простите, јас ќе продолжам да бидам идеалист и до последен момент да не верувам во приказните за нечија корупција се додека не ги видиме доказите на црно и бело, тогаш ќе судиме сите заедно за нечии злодела и грешки.

П.С. Освен што го валкаат имиџот на власта, ваквите Рашковци и даваат месо на мафијашката режимска опозиција да се сили да крева рејтинг и да се доближува до враќање на власт за повторно да се вратиме назад во 2015-та и диктатурата пред тоа. Тоа е вистинската штета против државата на овие неранимајковци!

Пишува, Саше Ивановски – Политико.