СДСМ-Сопиште: Груевски денеска се сети дека постои Општина Сопиште

0
820

„Никола Груевски денеска се сети дека постои Општина Сопиште“, реагира ОО СДСМ Сопиште.

sdsm-1_0

„Откако ги остави граѓаните на Сопиште три месеци во летниот период без вода за пиење. Не е изграден системот за водоснабдување од Патишка река за населените места во општината.

Откако ги остави со небезбедни патишта. Регионалниот пат R-302 од Кисела Вода до спојот со регионалниот пат R-104, кај место викано Брзовец е целосно уништен и не е безбеден за сообраќај. Во катастрофална состојба е патот од Држилово до Сопиште. Нема нов пат на релација Сопиште – Усје – булевар Борис Трајковски.

Што чекаше Груевски 10 години?

Во населените места Ракотинци, Добри дол, Горно Соње, Долно Соње, Чифлик воопшто нема фекална канализација.

На територијата на Сопиште нема ниту една градинка. Жителите своите деца мораат да ги носат во соседната општина.

Сеуште нема изградено потпорен ѕид во Ракотинци. Поради свлечиште, голем број куќи во Ракотинце се оштетени, со испукани ѕидови и постои опасност од целосно уништување на домовите на жителите.

Нема граници лицемерието на Никола Груевски“, стои во соопштението на ОО СДСМ Сопиште.