СДСМ: Кој е кумот на новото задолжување?

0
417

Скандалозно, темпото на задолжување на државата под команда на Груевски продолжи дури и кога Министерството за финансии немаше министер. Министерството за финансии во текот на вчерашниот ден објави проспекти за аукција на државни хартии од вредност што значи ново задолжување на домашниот пазар. Во чие име, и со чиј потпис и согласност вчера Министерството за финансии ги објави проспектите за новата аукција закажана на 21.06.2016, велат од СДСМ.

„Поранешниот министер за финансии, Зоран Ставрески има депонирано оставка на 14.06.2016, а новиот кандидат за министер вчера кога беше најавена аукцијата сеуште не беше официјално именуван во Собранието на Р.Македонија. Дали тоа значи дека Ставрески сепак пред да замине со свој потпис отворил пат за ново задолжување? Дали Ставрески ако не го направил ова, дал овластување потпис да стави заменик министерот за финансии во негово име? Или ако Груевски се дрзна да издаде државна тајна и јавно да го најави задолжувањето преку нова еврообврзница, можеби Груевски го фатил кормилото во Министерството за финансии па ги потпишал проспектите за ново задолжување на граѓаните и државата.

Бидејќи кумот Ставрески се повлече, Груевски е должен да им објасни на граѓаните кој е кумот на новото задолжување. Ќе има промена на власта и сите злоуптреби врз грбот на граѓаните ќе бидат откриени, а инволвираните ќе мора да ја понесат својата одговорност“, стои во соопштението на Социјалдемократскиот сојуз на Македонија.