СДСМ: ВМРО-ДПМНЕ добро нека го чува својот страв

0
566

Активниот влез на пратениците на СДСМ и опозицијата во Собранието со конкретни законски решенија, темелно работени изминатиот период заедно со граѓаните и сериозно подготвени во интерес на граѓаните, предизвика конфузија кај ВМРО-ДПМНЕ. Научени да штанцаат лоши закони на штета на граѓаните, без дискусија, без стручна анализа и демократска дебата сега ВМРО-ДПМНЕ не знае како да се соочи со сопствените грешки и штетата што ја предизвика.Затоа ВМРО-ДПМНЕ покажува огромна нервоза и паника, се вели во реакцијата на СДСМ, по денешниот прес на координаторот на пратеничката група на ВМРО-ДПМНЕ. 

sdsm-1_0

Од СДСМ велат дека пратениците од власта се збунети од фактот што граѓаните препознаваат дека овие решенија на СДСМ и опозицијата се вистински одговор на погрешните политики во изминатите 9 години.

„Граѓаните сакаат зголемување на минималната плата, бараат укинување на екстерното оценување и обезбедување контрола на трошењето на парите. Со денешните предлог законски решенија на СДСМ токму тоа се обезбедува. ВМРО-ДПМНЕ добро нека го чува својот страв. Денешните серија на Закони предложени од опозицијата се само почеток. Допрва ќе видат што се вистински закони, што се вистински решенија за наталожените проблеми на граѓаните коишто ги предизвика токму ВМРО-ДПМНЕ“, се вели во соопштението од СДСМ.