„Најновиот извештај на релевантната Фридом хаус и официјално потврдува дека медиумите во Македонија не се слободни.
Извештајот наведува дека тоа е поради масовното прислушување на новинарите, корумпираните врски помеѓу високи функционери и сопственици на медиуми, како и зголемување на закани и напади врз медиумските работници.
Ова е резултат на криминалното владеење на Никола Груевски и медиумскиот мрак, платен со пари на граѓаните.
Антидржавните политики на Никола Груевски ја задушија слободата на говорот и слободата на медиумите. Парите на граѓаните Груевски најдрско ги злоупотреби за притисок врз медиумите и воспоставување контрола.
Токму затоа, на Македонија и е потребно враќање на слободата, демократијата, владеењето на правото и европските вредности.
По демократските промени, во слободна Македонија предводена од СДСМ, слободата на медиумите ќе биде загарантирана.
Правото медиумите слободно да работат и да известуваат во интерес на јавноста, ослободени од било каков притисок ќе биде обезбедено.
Недомаќинското и расипничко трошење на парите на граѓаните ќе заврши.
Македонија ќе има отворена, транспарентна и одговорна власт која ќе им служи на сите граѓани“, соопштуваат од СДСМ.
