Фото: euronews
Неколку лица се повредени во пукотница што се случи попладнево во центарот на шведскиот град Упсала, а во моментов во тек е полициска операција во тој град, јавуваат шведските медиуми.
Полицијата опколи голема површина во близина на плоштадот Ваксала откако неколку луѓе пријавија дека слушнале истрели во областа.
„Бараме повредени лица во областа откако добивме информации од очевидци дека слушнале експлозии во областа“, изјави портпаролот на полицијата Магнус Кларин, истакнувајќи дека во овој момент полицијата не може да даде дополнителни детали за инцидентот, пренесува СВТ.
Шведската јавна служба објави дека еден од очевидците рекол дека слушнал пет истрели и видел луѓе како трчаат во различни насоки.
