ПРИМЕНИ КАДРИ ИЗБЕГНАЛЕ ДА ОДГОВАРААТ НА ТЕСТОВИ ЗА СЕЛЕКЦИЈА – РАКОВОДИТЕЛИ ВО КОНТРОЛА НА ЛЕТАЊЕ ПОДНЕСОА ОСТАВКА

0
499

Еден од тројцата директори на М-НАВ и дел од инженерскиот кадар поднеле оставки поради малверзации со изборот на кандидати за вработување. Како причина се наведуваат лица кои биле примени на работа, без да одговараат на тестовите за селекција, бидејќи не ги знаеле одговорите.

Поради тоа, синоќа оставки на раководните инструкторски места си поднеле инженери од кои зависи безбедноста на авиосообраќајот.

Инаку, раководителите во воздухопловна техника оставиле тест прашања за основни предзнаења на кандидатите, за да видат кој од нив може понатаму да ја продолжи обуката, односно да биде вработен. По тестот требало да следува интервју и да се изберат најдобрите кандидати.

Поради контраверзниот оглас минатата недела и контролорите на летање најавија штрајк, но се откажаа откако добија верување од министерот за транспорт и врски Благој Бочварски дека конкурсот нема да биде „наместен“.