Приватната дискотека работела во овој објект повеќе години и досега се смениле неколку сопственици. Сегашниот сопственик, кој е веќе приведен, секогаш бил дел од сопственичката структура на дискотеката.
Според она што може да се види, од пожарот е уништен покривот и целосно е изгорена внатрешност на објектот во кој била сместена супстандардната дискотека „Пулс“ во Кочани во која, според информациите што ги соопшти министерот за внатрешни работи Панче Тошковски, загинаа најмалку 51 човек.
