Фудбалерите на Манчестер Јунајтед и Тотенхем ќе се борат за титулата во Лига Европа. Англиските тимови вечерва ги потврдија пласманите во завршниот меч во Лига Европа за сезоната 2024/2025.
„Црвените ѓаволи“ го победија Атлетик Билбао со 4:1 на „Олд Трафорд“ и со тоа го потврдија триумфот од 3:0 во првиот натпревар. Тотенхем го победи Бодо/Глимт и на гостински терен, а по 3:1 во Лондон, победи со 2:0 на северот од Европа.
Англиските гиганти, кои се на 15-то и 16-то место во Премиер лигата оваа сезона, ќе се борат за европскиот трофеј и учество во Лигата на шампионите следната сезона.
Големото финале е закажано за 21. мај на стадионот „Сан Мамеш“ во Билбао.
Резултатот на „Олд Трафорд“ не покажува точно што се се случуваше на теренот. Атлетик имаа предност од еден гол до 70.минута. Целосно паднаа кога Маунт изедначи.
Од 31-та минута, Хаурегизар од 20.метри постигна прекрасен гол. На иста начин возврати Маунт. Во тој момент Баските се предадоа. До крајот по гол постигнаа Касемиро во 80-та и во 85-та минута Расмус Хојлунд.
Точка на натпреварот стави Маунт во првата минута од судиското продолжение, со голчиште од 40 метри.
Тотенхем во Норвешка релативно лесно дојде до победата. Во интервал од шест минути во 63. и 69.та минута стрелци беа Соланке и Поро.
