Почина уште еден пациент од Куманово, Филипче ќе предложи зајакнување на мерките

0
485

Министерот за здравство Венко Филипче на денешната прес конференција најави дека ќе предложи зајакнување на мерките за заштита и превенција од ширење на Ковид-19, но не прецизираше дали тоа значи воведување на карантин во одредени места, или, пак зголемување на траењето на полицискиот час.

-Утре ќе имаме дополнителна дискусија на Комисијата за заразни болести и можно е до Владата да  предложиме зајакнување на мерките за превенција од ширење на Ковид 19, бидејќи бројот на заболени во наредниве денови ќе расте, се уште стојат прогнозите пикот на болеста да биде на крајот на април со очекувани 2000 пациенти, но многу фактори влијаат врз овие предвидувања. Апелирам до граѓаните физичките контакти да ги сведат на минимум и да ги почитуваат мерките за заштита оти има многу асимптоматски носители, па затоа е најдобро да се седи дома, рече Филипче

Тој дополни дека освен починатиот пациент од Инфективна клиник од Лабуништа, починал уште еден пациент од Куманово, но во болнициата „8 Септември“, кој бил позитивен на коронавирусот на први април.