Полицијата работи професионално и ефикасно, експресно спречен грабеж во Центар, уапсени 17 лица за настаните со знамето.
Денеска го посетив седиштето на Единицата за интервентна полиција при СВР Скопје за лично да изразам благодарност и пофалба до полициските службеници кои во текот на вчерашниот ден за рекордно кратко време ги фатија лицата кои со закана со оружје извршија грабеж на трговски објект во центарот на градот.
Оперативната акција „Чистач“ којашто ја спроведуваме неколку месеци во рамки на територија на СВР Скопје дава одлични резултати, посебно во делот за непосредно справување со кривични дела од типот на разбојништво. Во овој случај на лице место се лишени од слобода лица коишто во текот на вчерашниот ден со огнено оружје и фиктивна експлозивна направа сториле кривично дело разбојништво, при што одзеле парична сума околу десет илјади евра. Од страна на СВР Скопје и Единицата за интервентна полиција е веднаш реагирано при што сторителите се експресно уапсени и делото е расветлено и расчистено.
Ваквите мерки и работа на полицијата даваат резултати бидејќи во последните неколку месеци само на територија на ВР Скопје во десетина случаи и на цела на територија на државата околу дваесеттина случаи каде на лице место или непосредно по делото се фатени сторителите на делата како разбојништво и во споредба со минатата година само на територија на Скопје разбојништвата се намалени за 40%.
Конкретните полициски службеници кои учествувале во акцијата ќе бидат и соодветно финансиски наградени како мотивација за својата посветеност и професионалност и најавувам дека таквата практика ќе продолжи кон сите полициски службеници коишто со својот професионализам и пожртвуваност ги прават граѓаните посигурни и побезбедни.
View this post on Instagram
