Во текот на вчерашниот ден и минатата ноќ, екипите на ЈП Комунална
хигиена-Скопје подигнаа и транспортираа приближно 70 кубни метри отпад
од диви депонии во скопските општини Чаир и Центар.
Повторно е интервенирано на булеварот Никола Карев (Пластичарска улица)
каде што во текот на подолг временски период е забележано континуирано
непрописно одлагање отпад на јавни и на сообраќајни површини. За време
на вчерашните активности на ЈП Комунална хигиена-Скопје, на оваа
локација се подигнати 40 кубни метри мешан комунален и кабаст отпад,
одложени на аголот со улицата Максут Садик, во непосредна близина на
детското игралиште.
Во општината Чаир се започнати и активности за отстранување обемна дива
депонија на улицата Вуковарска, каде што расчистувањето ќе продолжи и во
текот на денешниот ден.
Воедно, екипите на ЈП Комунална хигиена-Скопје подигнаа и 20 кубни метри
мешан комунален отпад одложен на тревна површина во непосредна близина
на Младинскиот културен центар.
