Групацијата „Волво“ планира да отпушти дури 800 работници во три американски фабрики во следните три месеци поради несигурноста на пазарот и намалената побарувачка, а сето тоа како резултат на царините наметнати од претседателот на САД, Доналд Трамп.
„Volvo Group North America“ соопшти дека им кажала на вработените дека планира да отпушти меѓу 550 и 800 луѓе на локацијата на Мак камиони во Маунџи, Пенсилванија и две фабрики на групацијата во Даблин, Вирџинија и Хагерстаун, Мериленд.
Компанијата, која е дел од шведскиот „AB Volvo“, вработува речиси 20.000 луѓе во Северна Америка, според објавеното на нејзината веб-страница.
Трамп го промени глобалниот трговски систем кој постои повеќе од 75 години со план да воведе царини за производи од целиот свет. Неговата немирна трговска политика ја поткопа довербата на потрошувачите и бизнисот и ги поттикна економистите да ги зголемат своите прогнози за рецесија во САД, пишува Ројтерс.
Отпуштањата во „Volvo Group“ се најновиот одговор од автомобилската и камионската индустрија, која се соочува со тежок период поради тарифите, кои се очекува да ги зголемат трошоците за производство на возила.
„Нарачките за тешки камиони и понатаму се негативно влијание од несигурноста на пазарот во однос на цените на товарот и побарувачката, можните регулаторни промени и влијанието на тарифите. Жалиме што моравме да ја преземеме оваа акција, но мораме да го балансираме производството со намалената побарувачка за нашите возила“, соопштил портпаролот на „Volvo Group“.
