Експлозија на пристаниште / Фото: ЕПА
На пристаништето Шахид Раџаи во јужниот ирански град Бандар Абас имало и резервоари за нафта.
Силна експлозија избувна денеска на пристаништето Шахид Раџаи во јужниот ирански град Бандар Абас.
Загинаа осум луѓе, а речиси 750 се повредени. Од нив, 212 биле упатени на лекување во болниците, соопшти министерот за внатрешни работи, Ескандар Момени.
Ова пристаниште прима разни контејнери со пратки, но и резервоари за нафта и други петрохемиски инсталации.
Според министерот, мобилизирани се ресурси од различни провинции, особено од градовите околу Бандар Абас и центарот на земјата.
