ОВА Е МНОГУ ЈАКО, САМО ЉУБЧО МОЖЕ ДА СМИСЛИ ВАКВО СООПШТЕНИЕ – ВМРО-НАРОДНА : ДА СЕ ПОДИГНЕ СПОМЕНИК НА ВЕЛИМИР ПРЕЛИЌ, КОЈ БИЛ УБИЕН ОД МАРА БУНЕВА

0
1600

– На денешен ден, 13 јануари од страна на „пробугарската“ платеничка, тетовчанката Мара Бунева беше убиен Велимир Прелиќ, голем хуманист, почитувач и заштитник на Македонците.

Господинот Велимир Прелиќ беше испратен од страна на кралот Александар Караѓорѓевиќ да го заштити македонскиот национален идентитет и да го прошири македонскиот јазик во училиштата.

Велимир Прелиќ исто така потсетува за „убавото време на Македонија“ меѓу двете светски војни, како што е запишано во целата наша историографија, на големите слободи и хармонија во која се живееше во истиот цел тој период сѐ додека таа македонска еманципација не ја прекинаа бугарските окупатори.

ВМРО-Народна партија предлага да се подигне споменик на Велимир Прелиќ за овој познат миротворец, затоа што семето кој тој го има посадено во Македонија очигледно фатило цврста почва па затоа денеска ние се чувствуваме повеќе како наследници на неговото отколку на делото на сите негови жртви – се наведува во соопштението од партијата.

Инаку Веклимир Прелиќ бил командант на полициските сили во Скопје и бил озлогласен тиранин кој затворал цивили во подруми каде ги тепал до смрт.

По негова наредба голем број противници на српската окупаторска и асимилаторска политика во тоа време како и голем број членови или осомничени за поврзаност со тогашното ВМРО биле убивани или жестоко измачувани со стегање на главите, тегнење на рацете, па дури и живи закопувани.

Прелиќ бил голем противник и на тогашното ВМРО раководено од Ванчо Михајлов, поради што оваа организација донела едногласна пресуда за ликвидација на Прелиќ како и некои други српски чиновници од скопскиот реон на тогаш од Србите окупирана и нарекувана Вардарска Бановина, т.е. Вардарска Македонија.

Иако Прелиќ дознал за смртната пресуда донесена за него, сепак тој не ги сфатил сериозно тие закани. Но, на 13 јануари 1928 година во центарот на Скопје Велимир Прелиќ бил тешко ранет со неколку истрели од пиштол од страна на тетовчанката Мара Бунева која што ја извршила пресудата. По самиот чин, Мара Бунева се самоубила, а Прелиќ починал по три дена.

Инаку тогашното ВМРО било светски познато по ваквите атентати. Познато е дека бил убиен и престолонаследникот на Србија во Марсеј. Атентаторот на југословенскиот крал Александар Караѓорѓевиќ бил Владо Георгиев-Черноземски, кои во круговите на ВМРО, од каде што потекнувал, бил познат под името Владо Шоферот.

Всушност, вистинското име на терористот не било ни горенаведеното, туку Величко Димитров-Керин. Черноземски бил назначен од страна на раководството на ВМРО да ја изврши оваа тешка задача поради неговата храброст и големиот број на атентати што пред тоа ги имал успешно извршено благодарение на неговата умешност во ракувањето со оружје.

Черноземски ја напуштил Бугарија во летото 1932 година, по наредба на ВМРО и местото на неговиот престој не било познато. Веројатно од тогаш започнале и подготовките за извршување на атентатот врз кралот Александар.