Обвинителите од СЈО не дојдоа во Собрание, одложена комисиската расправа за Извештајот на Јанева

0
354

Одложена е собраниската Комисија за политички систем, на која требаше да се разгледува извештајот за работата во првите 6 месеци на Специјалното јавно обвинителство.

Седницата е одложена затоа што не дојдоа претставници од СЈО. Извештајот ќе се разгледува и на пленарна седница во Собранието, на 28 март.

И Советот за јавни обвинители пред три дена  ја одложи расправата за извештајот, затоа што специјалната обвинителка, Катица Јанева не се појави на седницата.

Обвинителите во среда ќе се состанат со истата цел.

Во извештајот стои дека за 6 месеци се отворени 30 истражни постапки, во кои се опфатени 80 лица, и дека се отворени 120 предистражни постапки за повеќе  кривични дела.

Иако немаа обврска за присуство, во салата беа претставници од пратеничката група на ВМРО-ДПМНЕ.

Фото: Алсат М