Полицијата во швајцарскиот град Лозана, на границата со Франција, приведе седуммина демонстранти, откако млади луѓе предизвикаа нереди и кршеа излози по примерот на немирите во соседната земја, јави денеска Швајцарската телеграфска агенција (СДА), цитирана од ДПА. Полицијата соопшти дека доцна синоќа повеќе од 100 млади се собрале во градот на Женевското Езеро.
Тие протестираа за поддршка на насилните демонстрации во Франција по смртта на 17-годишно момче во вторникот за време на полициска контрола покрај патот.Меѓу приведените од швајцарската полиција има шест малолетници на возраст од 15 до 17 години, како и еден 24-годишник.
