Saturday, July 12, 2025
24.8 C
Skopje

НЕЗАВИСНИТЕ ЛИСТИ ЌЕ ТРЕБА ДА СОБЕРАТ ПОТПИСИ ОД 2 ОТСТО ОД ИЗБИРАЧИТЕ ВО ОПШТИНАТА ИЛИ ГРАД СКОПЈЕ ЗА ДА УЧЕСТВУВААТ НА ЛОКАЛНИТЕ ИЗБОРИ, НАЈАВИ ЗАЕВ

Премиерот Зоран Заев најави дека независните листи со кандидати за советници за да учествуваат на локалните избори наесен ќе треба да соберат потписи од 2 отсто од избирачите од општината или Градот Скопје, според договорените измени на Изборниот законик, кои наскоро треба да влезат во собраниска процедура.

„Во општина со 50.000 избирачи треба да се соберат 1.000 потписи, а 1.500 гласа треба за советник да се избере, што значи умерено извлечена е паралела. Не се работи за договор помеѓу СДСМ, ВМРО-ДПМНЕ и ДУИ, туку во изработка на предлог-законот учествуваа сите политички партии, и Алијанса за Албанците и Левица. На крајот, законот се носи во Собранието и таму може да се отвори дебата, што е сосема легитимно“, кажа Заев, одговарајќи на новинарско прашање на денешното пуштање во употреба на нова градинка во скопско Стајковци.

Според ова што го најави премиерот, за кандидатура на независна листа во Град Скопје ќе треба да се соберат над 9 илјади потписи, а за кандидатура во Општина Центар ќе треба да се соберат нешто над 800 потписи.

За споредба, според сè уште актуелното законско решение, за кандидатура на независна листа во Град Скопје се потребни 1.000 потписи, а во Општина Центар се потребни 350 потписи.

Заев вели дека при изработка на овие законски измени се почитувани сите препораки на ОБСЕ и ОДИХР, меѓу кои и препораката за унифицирање на прагот за поднесување потписи за независни листи.

За датумот на одржување на локалните избори, Заев рече дека останува ист, односно 17 октомври.

Извор : СДК.МК

ОВАА НЕДЕЛА

ВМРО-ДПМНЕ: СО ИНВЕСТИЦИЈА ОД 6 МИЛИОНИ ЕВРА , ПОПНА ИЗГРАДБАТА НА ФАБРИКАТА ,,ЧАГАТАЈ КАБЛО”

Владата предводена од ВМРО-ДПМНЕ продолжува со привлекување на нови...

ТАТКО ОД ДЕБАР ЈА ПРИСИЛИЛ СВОЈАТА МАЛОЛЕТНА ЌЕРКА ДА ПИТА ПО УЛИЦИ, МВР ГО УАПСИ

Триесетгодишниот маж се сомничи дека го сторил казненото дело...

АМЕРИКА НА КРСТОПАТ: КРАЈ НА ФЛЕРТОТ МЕЃУ ТРАМП И ПУТИН?

Доналд Трамп имаше два бурни „разводи“ во изминатиот месец....

ВИСАР ГАНИУ ГО ОСУДИ НАПАДОТ ВРЗ АРСОВСКА „НИКОЈ ОД ОПШТИНА ЧАИР НЕ Е ИНВОЛВИРАН“

Градоначалникот на Општина Чаир, Висар Ганиу го осуди нападот...

СПОРЕД ЦУК ВКУПНО 32 ПОЖАРИ БЕСНЕАТ ВО МАКЕДОНИЈА

Центарот за управување со кризи информира дека до 20:30...

Најчитани

ПОПУЛАРНИ КАТЕГОРИИ