Невестата со пушката е сеуште на работа во МВР

0
1440

Марија Ристеска Калешковска, невестата што пукаше на нејзината свадбата, се уште оди на работа во битолската полиција, потврди за „САКАМДАКАЖАМ.МК“ портпаролката на битолската полиција Сања Стаматова.

„Против неа е покрената дисциплинска постапка по насоките дадени од јавното обвинителство и постапаката се уште не е завршена. Значи има дисциплинска постапка, а таа паралелно доаѓа на работа“, рече Стаматова.

nevesta-so-puska

При пукањето на невестата и помага повозрасен маж, за кој тврдат дека е нејзиниот татко, координатор на ВМРО-ДПМНЕ во битолскиот крај

Невестата која на сопствената свадба пукаше од радост неодамна беше вработена како секретарката на началникот на униформираната полиција во СВР Битола. Свадбата се одржа на втори јули, а македонската јавност беше вџашена од фотографиите кои беа објавени на социјалните мрежи како невестата која работи во СВР кога сватовите ја земаат од дома во селото Долно Српци со помош на татко и рафално пука од пушка.

На една од фотогрфиите имаше и дете кое си ги затнуваше ушите.Нејзиниот татко, кој и помага на фотогрфијата, е кооринатор на  ВМРО-ДПМНЕ во битолскиот крај.

По овој настан од полиција најавија дека внатрешната контрола ќе испитува зошто нивната вработена пукала на свадбата и чие било оружјето.