НАБИЕНА АГЕНДА И РАЗГОВОРИ СО ЗНАЧАЈНИ ЛИЧНОСТИ – БАЧЕВ ЕДИНСТВЕН УЧЕСНИК ОД МАКЕДОНИЈА НА ГОЛЕМАТА КОНФЕРЕНЦИЈА ЗА БРИКС

Набиена агенда и разговори со влијателни личности во регионот – Претседателот на Единствена Македонија, професорот Јанко Бачев беше единствениот поканет учесник од Македонија на Меѓународната конференција во Република Српска посветена на БРИКС. Бачев во рамките на тридневниот престој во Бањалука оствари средба со претседателот на Република Српска, Милорад Додик.

„Разговаравме за актуелните случувања, за предизвиците со кои се соочуваме и нашето остварување на стратешките интереси врзани со одбрана на македонските национални интереси. Воедно изразивме согласност и општ е впечатокот од средбата дека довербата и уважувањето меѓу двата народи, српскиот и македонскиот, се најцврстиот мост на пријателство кој може да се изгради. Се бориме за секој интерес на Македонија“ – вели Бачев додавајќи дека претседателот Додик е голем пријател на Македонија и македонскиот народ.